Tuesday, February 8, 2011

SNAP – Keamat ke penemu kita, tau ke ngetu diatu.

Ke terubah iya, SNAP madah ke diri ninggal ke Pakatan Rakyat. Udah nya iya madah ke diri deka setanah enggau UBF, sebengkah plaform politik. Udah nya iya madah ke diri endang agi dalam Pakatan Rakyat. Tang udah nya bala tuai-tuai SNAP nurun ke KL deka enggau ngulu pengawa bejadi KITA. Udah nya iya madah ke diri agi mengkang dalam Pakatan Rakyat. Paul Kadang nyebut siti pekara. Anthony Liman nyebut pekara bukai. Udah nya Stanley Jugol bebida penemu enggau runding ari dua iko kaban ke dulu tadi. Lalu President sida, Edwin Dundang? Iya nadai didinga nyebut sebarang utai. Nama penyadi ngagai SNAP?

SNAP nyau tau disema ke baka nembiak ti kena serang penyakit schizophrenia. Orang ti kena serang penyakit schizophrenia ditemu baka orang ti maioh macham perangai enggau ulah – ketegal sebengkal penanggol ti nyadi dalam untak. Nembiak schizophrenia nya raya agi laban nembiak nya orang ti apin besai, lalu enda nemu ngaga pemutus ti betul, ti ba maya ti sama mega ngembuan runding beberapa iko nembiak dalam siti undak. Enti sebengkah parti politik didinga meri penerang-penerang ti bebida-bida, nya ngayan ke parti nya udah kena serang penyakit schizophrenia. Penanggol ti baka nya enda manah lalu deka ngemuntan ke pejalai parti. Nama kebuah SNAP beperangai baka nya? Bisi beberapa iti saut ti tau dikarap ke.

Ke terubah, nyangka meh SNAP endang sengaja deka nyarut ke runding semoa orang lalu neju ke kitai ngaga pelaba, nyengkaum kaban dalam parti nya empu. Tu nyangka nya ator serang sida ti betul sereta manah. Tang aku belaba ke SNAP enda pintar baka nya. Chara serang nya tau mangkong pala SNAP empu, ti tau ngujong ke maioh kaban sida deka dituntong penanggol. Tentu SNAP enggai meda kaban iya ti endang enda maioh nya ninggal sereta ngeleka ke parti nya. Enggau tu kitai tau nyimpul enggau siti penemu ti madah ke SNAP endang sengaja deka nyarut ke runding kitai.

Kedua, kes nya tau nunjuk ke kitai nya bala tuai-tuai dalam SNAP berupai enda selubang penemu. Siko ari sida nyebut “tu”, siko ke bukai nyebut “nya”. Tang kitai agi ulih ngampun pengilap enggau penemu ti bebida baka nya. Tang tu tau mai penerusak soh SNAP. Sebengkah parti ti bisi penemu-penemu ti bebida ari siko tuai enggau siko tuai enda ulih begempong lalu berupai enda seperau. Baka ni ko SNAP ulih mutar ke pengawa kempen ba semoa 28 iti penudok ti deka diperebut ke sida enti pengawa ngundi nyau datai ila?!

Ketiga, penemu ti bebida-bida entara tuai-tuai dalam SNAP nunjok ke kitai nya bala tuai dalam parti bisi kuasa ti diperebut ke, enda pia? Anang kitai enda ingat, Paul Kadang diatu benong cheregas ngulih ke sukong enggau penampak nama diri empu dalam SNAP, lalu iya mega tampak ba orang media. Kada enda Stanley Jugol nya berasai ditulak ke tisi, enda selamat sereta bisi ngembuan ati ti chemuru? Anthony Liman enda tau dileka ke pia aja, suah bendar mansut ke penerang-penerang ti sensational dikena iya narit bala media. Berebut ke kuasa endang nyadi ba semoa parti politik. Tang ba sebengkah parti ti deka ngangkat ke diri lalu meresi moa diri, berebut ke kuasa nya ukai pekara ti patut dikereja.

Siti ari tiga iti senario baka ti udah diterang ke di atas nya tau dikena nerang ke nama kebuah SNAP ngembuan ulah ti tau ngasoh orang enda lantang ati, enggau dipeda enda tegap penemu enggau runding. Nya ngayan ke parti nya sebengkah parti ti enda selubang penemu. Lalu sebengkah parti ti enda ulih sepenemu semak ba maya ngundi tu nya parti ti deka tumbang.

Dipeda baka nembiak ti kena serang penyakit schizophrenia nya, SNAP nya endang enda lurus ati. Baka ni ko sebengkah parti politik ti madah ke diri agi dalam Pakatan Rakyat tang sida terang-terang bekaul enggau KITA (sebengkah agi parti ti ngelaban Pakatan Rakyat) enggau UBF (sebengkah agi pelasar politik ti deka direjista nyadi sebuah parti politik ti mega terang-terang ngelaban Pakatan Rakyat)? Pengawa SNAP ti baka nya tau disema ke kitai baka bini orang ti butang enggau lelaki bukai. Dini endor peninggi enggau penampak SNAP ti ditemu endang sebengkah parti politik ti pengambis tuai di Sarawak ti lalu mega kala enggau bejurai sereta besetuju ke Sempekat Malaysia dulu menya? (Enti ba rumah panjai Iban, bini ti ditemu butang enggau lelaki bukai deka ditunggu enggau naka pemerat).

SNAP madah ke diri iya benong ngangkat ke diri lalu meresi moa diri. Manah bendar enti baka nya. Tang sapa bagi tuai-tuai dalam SNAP ti matak jalai? Seraban orang politic ti mereti amat pasal pekara media ti seruran ransing enggau ragak lalu dibantu bala pengurus kempen ti pandai-pandai, bala raban NGOs, raban orang media ti landik? Tau ke seraban orang politik ti udah lelak tau ke setengah lelak? Tau ke, dikereja siko orang aja? Semina Tuhan aja ti nemu saut, laban SNAP empu lalu enda ulih madah ke kitai. SNAP mega enda ulih nerang ke kitai nama reti lambang sida ti baru – siti singkang ti patut diambi-kira sida ba pengawa ti ngangkat ke diri empu nya! Bah! Nama utai ti baru ba SNAP ti ngangkat ke diri baru? Tau ke SNAP patut ngeleka ke leka jako ‘ngangka diri’ lalu ngena leka jako ‘guna baru’. Ba leka jako pekara perubat leka jako “ngidup ke” manah agi dikena nyema ke SNAP ti dipeda suntok bendar penemu deka ngidup ke siko kuda ti lama udah mati ti udah ditumbak ke.

SNAP mega bisi didinga madah ke sida bisi lebih 100,000 iko kaban. Enti munyi nya, nama kebuah ba simposium di Sibu SNAP semina digulu 50 iko orang, ti endor nyau ka setengah ari orang ti datai nya bala kaban PKR ti dikangau ke enggau enda bendar lalu udah nya ninggal ke pengawa sida udah badu makai tengah hari nya? Nama kebuah mimit bendar bala orang ti datai ngulu simposium sida ba hotel Telang Usan kena lemai hari Minggu nya? Kini penungga bala sida ti 100,000 ti bukai nya? Nama kebuah enda bulih 1% ari 100,000 kaban iya enda ulih datai? Kami arap ke abis kurang 1% ari 100,000 kaban sida SNAP datai ba simposium di Kuching awak ke bisi nambah ke pengarap bala orang ti deka mantu parti nya ngena duit bantu (ti didinga kami orang nya nyau mupok-mupok nyurut ke diri ari sida).

Ngenang pekara ti bekaul enggau orang ti mantu SNAP ngena duit belanja, rahsia orang nya udah tekusai lalu ngayan ke sida dibantu siko Datuk bebansa China ti kaya. Datuk nya udah besemaya enggau SNAP deka mantu sida ngena belanja ti mayuh entara RM200,000 ngagai RM2 juta, nitih ni bagi berita angin ti deka dikarap ke kita. Taja pan baka nya, semaya endang tetap deka tinggal semaya, laban kitai sama nemu, ba politik, jako semaya endang tau dikamat ke, lalu suah agi ti balang. Sua ke duit nya diatu nya baru aku ngereja pengawa ke nuan enggau bebendar. Tanya ti agi bemain dalam pala aku diatu, enti SNAP nya amat-amat mayuh duit, nama kebuah apin lama tu udah Edwin Dundang bisi telefon soh sekeda tuai dalam PKR deka nginjau duit dikena melanja simposium di Sibu? Enda ulih SNAP mayar bill ke bilik-bilik hotel ti dikena sida nya? Kada enda udah raun ke menoa tasik Datuk bebansa China nya? Kami arap ke SNAP udah mayar semoa bill ba hotel nya – laban enggai ke penanggol nya tau nambah ke berita-berita angin ti sebubu ngapa ba sebelah pasar Sibu ti ulih ngerusak nama SNAP empu.

Cherita tu nyau nambah ngerindu ke ati bala pemacha. Bala orang ti deka mantu SNAP ngena duit belanja udah dipadah ke “SNAP bisi penyampau tuboh penyukong” ti chukop mayoh, lalu tu tau meri reti, SNAP ulih menang kerusi ti chukop dikena sida numboh ke perintah ti baru. Belalau ke jako semaya ti kelalu tinggi nya,diatu SNAP nyau suntok amat runding enggau penemu nyanda bantu enggau sukong ari PKR, SPDP, PRS lalu pia mega ari PBB. SNAP enda tau enda nunjok ke Datuk China nya sida bisi pemayoh bala kaban ti besai. SNAP nyau belatih nimbak nuju PKR lalu Paul Kadang ditemu bebendar amat bekereja (pemanah iya empu) mujok, nyuap lalu mega ngemba bala pengari PKR awak ke merejok tama ngagai perau SNAP. Paul Kadang ditemu bejalai belaboh ari Lundu nyentok ke Limbang bigiga sereta nambah ke pemayoh kaban tau ke penyukong. Seninjik iya enda bidik, laban nadai siko ari bala pengari PKR ti ditaga ke bediri ila deka masok parti SNAP. SNAP mega enda ulih mansut ke berita enggau penerang ba surat-suratkabar ti madah ke sida udah bulih kaban enggau penyukong ti baru. Enggau nya, nama bansa pemindah bebala mayoh masok ngagai parti SNAP ti deka dipadah ke iya ngagai mensia mayoh? Diatu SNAP nyau nemu nadai siko bala kaban ari PKR tau ke SPDP tau ke PRS tau ke PBB deka tama ngagai SNAP, lalu tu ngujong ke SNAP nyau seneka ati betempa ke berita pasal pemayoh tuboh bala kaban enggau penyukong iya, dikena iya ngulih ke sukong enggau bantu ari bala orang ti sanggup beranak ke puku dalam parti nya. Tang sapa-sapa pan deka berunding, ni penyauh SNAP deka bejalai sebedau pengeruh tau nyadi chiru?

Pekara ti tau ngasoh ati kitai irau iya nya pemayuh kerusi ti diambu SNAP. Terubah suba SNAP bisi 7 iti kerusi. Udah nya ambu betambah nyadi 10. Lalu ke pengambis dudi tu SNAP ngambu deka belaban ba 28 ari 29 iti sitak ti tebal agi diwan pengundi Dayak di menoa Sarawak tu! (Kami belaba ke SNAP enda ngambu deka belaban ba sitak Ba’ Kelalan, siti sitak ti benong diining tuai PKR Sarawak Baru Bian). Nama kebuah ulah SNAP baka tu ngasoh kitai irau ati? Mudah. SNAP enda ulih ngayan ke penerang ti bendar dikena nyukong ambu sida empu. Baka iya deka bemimpi belaban ba 28 iti sitak enti iya enda ulih nentu ke sapa pengari sida ba semoa sitak nya? Enti sema pan, ketegal pengawa ajih, sida bulih 28 iko pengari, bisi tau ke nadai sida perengka-perengka dikena sida kempen mantu semoa pengari sida nya? Berapa iti pampang SNAP di serata Sarawak tu? Udah tau ke bedau sida bejalai betemu enggau bala pengundi sida ba semoa 28 iti sitak ti diambu sida nya? Udah tau ke bedau sida ngidup ke baru Wanita Wing sida ti beguna bendar dikena kempen ari pintu-ke-pintu. Kitai arap ke Datuk China ti besemaya deka mantu SNAP dikena bejalai ke pengawa kempen sida enggau bebendar, ukai semina ngator simposium, bejalai keulu-keili ngenchuri kaban/penyukong ari parti bukai, lalu mansut ke penerang ti bebida-bida dalam media. Kereja patut iya inggar agi ari leka jako, lalu penudok SNAP dipeda bedau tegap sereta entap.

Ba sidi ke penudi tu, SNAP enda tau enda begempong baru lalu ngalus sereta mutar ke pengawa. Ba sebarang pengawa ngundi, nuan enda tau enda beguna ke tiga pekara dikena ngulih ke peluang menang belaban: (i)PENGEREJA PENGAWA, (ii)DUIT, enggau (iii) MAYA. SNAP enda tau enda bebendar ngiga bala PENGEREJA PENGAWA (tau ke ngeluar ke duit ti mayoh dikena meli tulang bala pengereja pengawa); iya mega nyangka tulih ke DUIT (enti sema Datuk China enda matak diri ba minit-minit ti penudi); tang iya tentu enda bisi maya/jam ti chukop enti Kepala Menteri ngemadam ke DUN dalam bulan March, ti diatu semina kurang ari 60 hari? Nitih ke ari gaya enggau gamal ti dipeda, SNAP lalu bedau bisi semoa tiga pekara ba sida, lalu SNAP endang nadai ngembuan tiga bengkah pekara nya dikena iya enggau bebendar nyatup Barisan Nasional ti endang ditemu mayoh perengka dikena kempen, mayoh duit, lalu jam ti chukop.

SNAP enda tau enda beterima kasih laban Pakatan Rakyat udah ngagih ke iya 3 iti kerusi, lalu disadang ulih dimenang iya magang ari ti nyebut ambu ti kelalu tinggi sereta sumbong, enda lurus ati, sereta ngelampat pangan Pakatan Rakyat iya ti tau ngujong ke iya lenyau semoa utai.


Read the English version HERE.

Udah macha SNAP – Sundal Dayak ti bingking?

Monday, February 7, 2011

SNAP – Sundal Dayak ti bingking.

Ke sebengkah parti ti kerah-kerah ngumbai diri bisi 100,000 iko kaban, naka meh pemesai penanggol ditapi sida enti pemayoh kaban ti datai enda bulih 100 iko ngulu symposium SNAP ba hotel Grand Continental di Kuching apin lama tu udah. Bilik ti dikena ngator symposium ti amat besai nya dipeda puang ti semina endor 80 iko aja bala orang datai kia, lalu nya pan dikumbai sida gempuru ke bala pengukong ti kering ti endor bala orang bisi ditemu mupok-mupok pansut lalu mulai ke diri; manah mimit ari pemayoh tuboh 50 iko ti bisi datai ba pengawa ti sebaka di Sibu.

Taja pan semoa symposium sida balat bendar dipetesau ke ngagai orang mayoh, SNAP mengkang enda ulih ngerak 1% bala kaban sida ngulu pengawa sida nya. Enti symposium di Sibu sida semina digulu 50 iko kaban, lalu udah nya di Kuching digulu 80 iko (ti disadang sida symposium ti pemadu besai nya), SNAP enda tau enda nerima pengamat parti nya udah udah kurang penyukong, lalu tau mega meri reti parti nya nadai agi.

Augustine Liom, siko ari orang ti bejako ba symposium nya, bisi didinga bejako mantah BN ba pekara-pekara ti bekaul enggau tanah. Iya ngenang pasal pekara ngerampas tanah enggau salah guna kuasa dalam system perintah menoa tu, baka meh iya nya lama udah ngulu ke Dayak minta hak sida pulai. Tang taja pan baka nya, kitai patut betanya ari bakih kitai ti bepelajar tinggi nya, nama kebuah iya enda bemunyi seleka jako leboh iya agi kereja nyadi Session Court Judge, ti endor iya enda kala ditemu bisi ngator penyarut tanah bansa Dayak ti bai soh ngagai iya dikena ngelaban Perintah?

Bah! Baka ni bala lawyers Dayak di SNAP? Berapa iti keas tanah NCR udah menang ba jari sida? Nyelai amat pekara tu, laban betaun-taun sida nadai didinga engkukok, diatu baru sida bisi didinga bemunyi. Enggau nadai bepelasar ke sebarang rekod ti ngayan ke bala lawyer SNAP kala menang kes-kes tanah, tentu nya deka nyadi ke pengelemi sida ti endor BN mudah agi ngalah ke pengari sida.

Wilfred Gomez ti bisi enggau ngulu symposium di Kuching nudoh ke penemu mai SNAP ngubah rambai jako sida – Sarawak enggi orang Sarawak (Sarawak for Sarawakians). Rambai jako munyi nya endang manah bendar. Tang rambai jako ti munyi nya mega nadai guna enti kitai nadai pelasar dikena nyukong julok ati kitai. Awak ke aku nerang ke ditu. SNAP tu sebengkah parti ari menoa Sarawak. Kuasa autonomi Perintah Federal semina ulih diberi enti bisi sukong penuh ari Perintah Federal. Enggau penudok SNAP ti nadai sebarang kaul enggau Perintah Federal, baka ni kuasa autonomi nya ulih jengkau? Enti semaPakatan Rakyat ti betuai ke PKR ulih ngambi kuasa di Putrajaya, bisi tau ke enda kini SNAP jako dalam Perintah Federal? Nama kuasa autonomi ti deka ulih SNAP enti iya nadai sukong ari Perintah Federal? Baka ni enti SNAP bulih nasib ti sebaka enggau PBS di Sabah – sebengkah parti ti nunggal lalu nadai pemisa sereta nyada ke rambai jako ti udah bari?

Parti KITA enggi Zaid Ibrahim enggau MCLM enggi Haris Ibrahim udah ngayan ke sukong ti kering ngagai SNAP ba maya bepilih besai. Baka ni penalam penemu SNAP ba gaya menoa di Sarawak? Udah-enda sida nyendia ke perau lalu nyimpan minyak enjin sangkut enggau naka penyukop dikena sida maya kempen ila? Udah-enda sida numboh ke komititi ba sitak-sitak menoa ti deka endor sida bediri ila? Enda tekenyit Haris Ibrahim enti iya mansik enggau silik pasal semoa pekara ti bekaul enggau bala pengari SNAP, baka ti disemaia sida ngagai iya?

Semoa jako manis ari SNAP semina mai siti reti aja. Bala tuai-tuai dalam SNAP udah nemu sereta ngelala diatu, nadai siko orang deka ‘meli’ ‘barang’ sida. Lalu tu mai penanggol besai soh SNAP laban sko taukey China ari Kuala Lumpur, baka ti didinga kami, suah bendar madam ke telefon iya laban enggai agi dikangau ke SNAP. Enggau nya taukey China ti dikarap ke SNAP nyau enggai ‘beranak ke puku ba kuda tuai’, ke lebih agi, masau duit ba ‘kuda tuai’ ti bediri ngena kaki sepiak aja.

Kami mega bisi ninga berita pasal Paul Kadang ti nurun ke KL laban begiga ke taukey China ti dikarap ke mantu sida. Ari ni SNAP deka bulih belanja?

Dikena nambah ke pemedis ba abi telih SNAP, Tedwin Ngumbang ti nyau enda balat agi bintih nyau ngemasok ke diri ke dalam SNAP. Bedudok ba sebarang berita angin ti didinga kita, dua bengkah senario benong nyadi buah kenang orang sebelah ruai enggau di sebelah kedai kopi.

Senario 1. Tedwin Ngumbang, ti udah pedis ati soh Masing ketegal enda agi magi iya ‘concession’ enggau ‘ruti gula’, diatu nyau nguji ke pemidik iya ba SNAP.


Senario 2. Tedwin Ngumbang, ti endang siko orang dikarap ke Masing, udah diampun Masing ari sebarang penyalah lalu tama ngagai SNAP, ukai semina nyadi ‘mata-mata’ tang mega nyadi ke ‘pematak bala’ ti endor PRS deka ngalah ke SNAP.


Sebarang chara meh kita merati ke SNAP, parti nya udah kachau. Tedwin Ngumbang nya semina nambah ke pengamah nama SNAP. Iya kala berutang duit ba bala taukey China di sebelah pasar Betong ti ngujong ke iya enda ulih kelalu ngayan ke moa diri di Betong. Iya nadai ‘penampak’ di Layar lalu semina deka diketawa ke bala pengundi di Layar dia. Enda nyau suntok penemu kini SNAP ti nyau deka beguna ke iya nyadi pengari sida tang ke bendar iya semina deka ngemuas ke agenda iya empu aja?

Tang kami bisi mega udah ninga senario ti ketiga.

Senario 3. Tedwin Ngumbang udah disemaia ke Jabu duit ti maioh bendar dikena iya ngeregu ai ba sitak Layar. Tang bala pengundi di Betong endang ngelala Tedwin nya kaban-belayan Jabu, lalu akal ti baka tu enda agi ulih kena baka ti suah udah dikena Jabu ba pengawa ngundi ke udah-udah.


Tu patut diperunding ke kitai baru, baka ti udah dikenang ari pun tadi. Diatu SNAP udah kachau bendar, lalu ditemu dikena BN magi undi Dayak baka ti udah-udah. Penanggol ti nuntong SNAP endang ditemu sida empu, tang sida nadai mutar ke penanggol nya. Siti tanya ditu, NAMA KEBUAH?


Read the English version HERE.

Udah macha SNAP – Keamat ke penemu kita, tau ke ngetu diatu?

Tuesday, February 1, 2011

SNAP - The stubborn Dayak whore.

For a party which claims to have 100,000 members, it was quite a disastrous showing when less than 100 members turned up for SNAP's latest symposium held at the Grand Continental Hotel in Kuching over the weekend. The large function room was sparsely populated with a smattering of over 80 people and even this small gathering of so-called strong supporters gradually thinned out as the day wore on; a slight improvement from the 50 people who turned up for Sibu previously.

Despite the concerted publicity to advertise all their symposiums thus far, SNAP has not been able to mobilise even 1% of its membership to attend its symposiums. If the Sibu symposium of 50 odd members and now the Kuching symposium touted to be the biggest yet of only 80 members are anything to go by, then SNAP must immediately arrest this dwindling membership or accept the reality that its much trumpeted support by the grassroots is as good as non-existent.

Augustine Liom, one of the speakers at the symposium, was heard to be leading the charge against the BN on land issues. He spoke on land grab and abuses of the system as though he has been a champion of Dayak land rights since time immemorial. Very valiant of him. However, perhaps we should ask our learned friend why he remained quiet when he was a Sessions Court Judge and did nothing to rule in favour of the Dayaks who brought cases on land issues against the Government?

What about his fellow Dayak lawyers in SNAP? How many cases of NCR land grabs have they championed in court? It is indeed strange that all these years they have remained completely silent but have only now found their voices. With no credibility or track record to fall back on, SNAP's sudden championing of land issues will surely be its Achilles' Heel that the BN will take full advantage of.

Wilfred Gomez, attending the Kuching symposium, proposed that SNAP revive its battle cry – Sarawak for Sarawakians – as part of its re-branding programme. Such battle cries are noble. But such battle cries are also hollow if you have no basis to support your aims. Let me explain. SNAP is a local Sarawak-based party. Autonomy from the Federal Government can only be achieved with full Federal Government support. As a local Sarawak party, what ties will SNAP have with the Federal Government? If Pakatan Rakyat led by PKR takes over Putrajaya, will SNAP have any say in the Federal Government? What autonomy can it achieve without the support at Federal level? Will SNAP therefore end up like PBS in Sabah - an ineffectual lone ranger with an irrelevant and outdated battle cry?

Zaid Ibrahim's KITA and blogger Haris Ibrahim's MCLM have come out strongly pledging support for SNAP during the election. How well do Zaid and Haris know the ground in Sarawak? Have they started to stock up on fuel and reserved boats for the election campaign period? Have they formed local committees in all the constituencies SNAP has claimed? Will Haris Ibrahim get a rude shock when he does background checks on SNAP's candidates, as he so promised?

All this rhetoric by SNAP only means one thing. Its leaders are beginning to realise that no one is 'buying' their 'product'. And this only spells disaster as their Chinese towkay in Kuala Lumpur, so we have heard, has conveniently switched off his handphone. No Chinese towkay will invest in a lame horse, let alone one that has only one leg to stand on.

The crushing reality sunked in when Paul Kadang had to fly to KL yesterday to personally knock on the Chinese towkay's door, which we hear is firmly locked now. What financial option has SNAP got left?

To add insult to injury, political burnt-out Tedwin Ngumbang has thrown his lot in with SNAP. Depending on which rumour you believe, two possible scenarios are being whispered all over town.

Scenario 1. Tedwin, frustrated with Masing's refusal to grant him further 'concessions' and 'goodies', has decided to try his luck with SNAP.

Scenario 2. Tedwin, once a trusted ally of Masing, has been forgiven by Masing and sent into SNAP not just as a mole but also as the pre-cursor to an eventual take-over of SNAP by PRS.

Whichever way you read it, SNAP is screwed. Tedwin is just bad news. He owes money to the Chinese towkays in Betong and cannot show his face in Betong town. His 'popularity' in the Layar is close to zero and all he has been able to garner from the locals are guffaws. Is SNAP so desperate as to inherit a political has-been with baggage seeking an opportunity to further his own agenda?

But we have heard a third scenario.

Scenario 3. Tedwin has been promised a handsome sum by Jabu to muddy the waters at Layar. Locals are aware that Tedwin is related to Jabu and will not fall for this old trick employed by Jabu in previous elections.

Which brings us back to what we have been saying all along. Poor SNAP is being used, abused and screwed left, right and centre by the BN to split the Dayaks yet again. The tragedy is that SNAP knows it but does nothing to stop it. The question is, WHY?


Baca SNAP – Sundal Dayak ti bingking.

Read also SNAP - Get real or get lost.